Праекты
Міжнародныя курсы для маладзёвых лідараў “ПоЛіБелКа‘2006: Моладзь у развязванні праблем мясцовых супольнасцяў” (24-31 студзеня 2006 г., Друскенікі, Літва)
Асноўнай мэтай маючых адбыцца курсаў – перадача маладзёвым лідарам навыкаў, неабходных для развязвання мясцовых праблем шляхам стварэння кааліцый НГА і іншых арганізацый / інстытуцый у мясцовых супольнасцях, стварэння стратэгіі і тактыкі працы, а таксама спрыяць іх станаўленню як актыўных грамадзян супольнасці.
Больш канкрэтныя мэты:
• Навучыць удзельнікаў ствараць групавую атмасферу даверу, узаемапавагі і супрацы на падставе адкрытага і роўнага дыялогу;
• Даць навучэнцам практычныя інструменты для актыўнага ўдзелу ў развязванні праблем мясцовай супольнасці;
• Скарыстаць магчымасць абмену досведам паміж маладымі людзьмі, што працуюць у НГА ў розных краінах ды культурных кантэкстах.
• Спрыяць папулярнасці праграмы YOUTH, як патэнцыйнага інструмента распаўсюду досведу і супрацы паміж маладымі людзьмі па ўсёй Еўропе.
На курсы запрашаюцца маладзёвыя лідары (неабавязкова кіраўнікі арганізацый) з НГА Польшчы (По), Літвы (Лі), Беларусі (Бел) і Калінінградскай вобл. Расеі (Ка).
Праграма работы будзе распрацаваная міжнароднай камандай трэнераў.
МЕСЦА ПРАВЯДЗЕННЯ: Друскенікі – вельмі папулярнае ў Літве месца адпачынку, адзін з найлепшых курортаў з мінеральнымі водамі і гразямі ў Цэнтральна-Усходняй Еўропе, размешчаны на беразе Нёмна блізу беларускай мяжы. Гэтае цудоўнае месца слыннае надзвычай прыгожымі лясамі, экалагічнай чысцінёй ды гаючымі мінеральнымі крыніцамі. У Друскеніках шмат што варта наведаць (гл. www.druskininkai.lt)
Курсы будуць ладзіцца на ангельскай і расейскай мовах.
Усе ўдзельнікі павінны быць у стане паўнаварта браць удзел у навучанні прынамсі на адной з гэтых моў!
У Беларусі адбор удзельнікаў каардынуе цэнтр “Трэці сектар”, Гародня.
trecisektar@yahoo.com, (0152) 757172.
Фотаздымкі - ПоЛіБелКа'2:
